同意嗎？




愛情就好似檸檬茶．．．
你唔篤d檸檬，飲嗰陣仍然好甜，但你飲緊嘅只係一杯甜嘅茶，完全品嚐唔到「檸檬茶」嘅味道。
你稍微篤下d檸檬，飲嗰陣會酸酸地，而嗰刻你就真係會飲到一杯真正嘅檸檬茶。
但你嫌唔夠，想再篤多d；你再篤多d，因為你想再飲真d，結果更加酸。
到咗最後你愈執著，愈大力咁篤，再飲嘅時候，佢已經係變咗杯好酸嘅檸檬茶，仲可以品嚐到檸檬嘅苦味，到時你就後悔：「點解我係咁篤呢？而家都變咗質啦？我只係飲緊一杯又酸又苦嘅檸檬茶。」
結果你捨棄咗呢杯檸檬茶，因為佢已經唔再適合你飲。但係諗返轉頭，當初係你自願要呢杯檸檬茶，佢自願比你加嘢，佢自願比你篤，佢自願比你飲用．．．但只係你自私嘅念頭，飲到一半就捨棄咗呢杯檸檬茶。
原來愛情都係一樣，因為當初係你要求，對方為咗你去改，到你自己執著，愈來愈執著．．．由一杯原本甜嘅檸檬茶，變咗杯你覺得苦嘅檸檬茶，到最後你再接受唔到而離開，而對方就為咗你去改變．．．而再變唔返甜，因為佢願意佢眼巴巴睇住你走。珍惜下你而家杯檸檬茶啦！

係咁篤嘅話，渣都無添丫！