你想點死？

已經係十二點幾喇，其實好眼訓，不過知道訓落床都一定會訓唔著！不如就寫下blog啦！

點解會問您哋想點死？！其實每個人一嚟到呢個世上，都一定會死架喇，只不過係幾時死同點樣死！下話？！

個幾月前一個得咗cancer嘅親戚揀咗了斷自己！今晚去咗探一個得咗肺can.嘅親戚，醫生已經叫我哋有心理準備，但佢依然好硬淨，撐到底！

見到佢其實真係好痛苦，佢已經講唔到嘢，不過佢意志真係好強，不斷想用佢自己的能力呼吸，可惜醫生話佢嘅肺已經失去功能！好似得佢自己係度努力，其實係無用！！

一個唔食煙嘅人，得到肺can.，真係唔知可以講乜！！

唔係話唔食煙都會有cancer，咁不如食啦！而係想話，有好多嘢，我哋唔可以想當然架！

到而家呢刻您都可以想當然嘅話，咁梗係恭喜您啦！

如果唔係嘅，只係想講，做人，真係唔好咁執著呀！

放鬆ｄ啦，盡量開心過每一日啦，今日唔知聽日事呀！！！

至於想點死？時辰真的到時，想可以比時間我攪掂ｄ身外物之後，即刻就死得！！！