ipork（陶傑）點擊︰劉華危機　（由蘋果日報轉載）

追星族老父跳海死事件，越搞越大，劉華哥Fan屎楊麗娟，返回大陸，似乎恃住十三億人民同大陸傳媒撐腰，大為壯膽，向我吔劉華哥提出兩點嚴正要求：一、親自拜祭死亡楊爸爸；二、完成死者遺願，即單獨同死者嘅愛女麗娟姐會見兼簽名留念！i-pork認為，追星族事件，經已發展為繼程翔案之後另一中港政治危機，點樣解拆，好考煲呔政治智慧！楊門烈女E兩點要求，第一點，親自拜祭，由於係公開，問題不大，而且當事人並冇限令劉華哥要三跪九磕，披麻戴孝，奉獻三牲祭品，睇嚟好似照顧到內地人民對香港同胞嘅感情，相當之寬鬆嘞！

第二點，要求同劉華「單獨會面」，就唔敢包咯喎！喺邊度單獨會面呀？係味深圳香格里拉雙人豪華套房？會面幾耐？係味香港Standard短叙兩粒鐘？萬一會面期間，佢突然衝出，自己扯到衣衫不整，裙拉褲甩咁，對住包圍在房外嘅幾百名記者大喊，咁劉華哥味食死貓？以大陸同胞嘅蠱惑程度，i-pork要捍衞香港利益，堅決反對，劉華哥，千祈唔好上當！咁我哋煲呔，又應該點做呢？資助電影界，唔係醒三億就算，我哋香港品牌，受到性騷擾喎，咁E家算點先？

【蘋果日報 31/3/07】楊母向傳媒表示，要求劉德華向死者鞠躬道歉，又要求劉德華賠償50萬元。

陶傑講嘅好正，亦有道理，佢哋真係會咁做都唔定！！！

如果唔係精神有問題，可以話其實係因為錢？？定阿女要人，阿媽要錢？？

呢ｄ就係身教？因為有咁嘅父母，所以有咁嘅仔女？？？

真係無嘢好講啦！！！