聽日開始要早起，所以今日就開始習慣下先 @_@
你習慣睇邊份報紙？習慣真係無得改！！！

今日喺蘋果度，見到呢篇專欄，就覺得香港真係地少人多得滯啦！！！
你有無諗過死咗之後，點樣處理自己？

【死都好襟計

而家香港ｄ靈灰龕供應越嚟越緊張，死後葬身之所，分分鐘炒得勁過生前嘅安樂窩；私人經營嘅，炒到幾百萬都有，連政府殮葬服務都不斷加價。1980年4月1日，當年市政事務署辦理火葬、靈灰安置所、墳場土葬同撿拾遺骸申領許可證費用等通通加價，但比起而家其實都算好相宜。現時服務轉咗畀食環署搞，價錢貴10倍，今時今日連過身都好襟計。

當年火葬收費，大人120元、小童60元，今日已經加到大人1,300元、小童650元；當年靈灰安置所買個永久位，標準靈灰龕1,000元，而家加到3,000元；當年土葬1,000元，而家市區6,500元、新界3,190元。不過有錢都未必搵到位喎，事關香港靈灰、土葬地方短缺，政府都冇符。】