「冷血」言論

有關這小朋友的『救熊貓好過救人』言論，有很多的網頁也post了出來，在這裡就不再轉載了；想說的是雖然看得出第二封道歉信（轉載於下方）不是出自她自己的手筆，可也希望大眾就給她一次機會吧！

雖說年少不是一個理由，但每個人也有過【口沒遮攔】的時候（只不過現在的時下青年真的比較嚴重吧！），而家教及學校也是一個很重要的因素；希望經過今次的事件，能令她自悟及得到家人、教師的適當教導！

相信人人也不希望看到另一個悲劇出現，現在時下青年的另一個比較嚴重的問題是 － 他們是真的【唔話得】，他們的解決方法是逃避，一句話也不想說，就會去了結自己！

真的不知道《粗言穢語》是不是比《苦口婆心》有用，但《苦口婆心》真的是已經沒用了！他們只會說你【超煩】！但他們看到、聽到他人的《粗言穢語》，會說給鬧醒了！

估不到．估不到！

另一位大朋友的腦筋，也好不那裡：－
(星島日報報道19/5/2008)
楊千嬅自與丁子高鬧出緋聞後，差不多每天都有新發展，最近更有驚人消息傳出，指兩人已經結婚！前晚千嬅出席商台賑災活動時，對這傳聞大感愕然，且大叫：「嘩，撞鬼呀！驚嚇程度驚過地震喎！」
網友義正詞嚴怒斥千嬅，網友說：「唉，又係講野唔經大腦，依家咁敏感，仲搵地震搞 gag … … 」
另一網友更說：「有幾大件事呀驚嚇過地震 ！ 」
至於身在美國的千嬅昨日在電話中說：「當日講嘅嘢只不過係想解釋番件事，唔係攞地震嚟開玩笑，如果因為嗰番說話而令人唔舒服，我願意為引起誤會而道歉，我都好明白呢件係一件好嚴肅嘅事。」

唉．．．．．．．


第一個回應 (5月18、19日)
各位我已經同學校交代左
我用學校用既e-class唻講左
大家已經sd 哂 我d野去校
我會同學校澄清
請各位唔好再亂sd d野 去我d fd 我學校到
要講要話 係你地既言論自由
我做既野只係咁多
對唔住各位
唔知會搞大件事
都唔想搞大佢
我感到後悔
我唔知點負責我岩岩果篇野
我知我同你地講SORRY係無用
但係....我願意捐錢
我知我係得唔到全港原諒
但係我只係想做返一個 一個香港人該做既事
就係捐錢
你地一定講得我係到吹水
得個講字
但係我真係會捐
你地講我係一個 冷血無情既人 我認
如果我係到講 我會改過 以後唔會再係咁做
你地唔會信
我發表呢篇 只係想對岩岩話醒我既人 講多謝
你地已經起哂我D底
我都無謂去逃避....
所以...我想係到講 對唔住
到左聽日或後日 我會對自己講過既野負責任
可能 會到學校 可能被踢出校
你地已經POST我篇文章 我D底
我已經無野好講 只能說 對不起我
係一個 唔讀書既人
我無資格話佢地
好對唔住我
講既係咁多
你地話得我岩...
我希望唔好 搞到我D朋友

第二個回應Sunday, May 18, 2008
我對於在5月17日發表對四川災情涼簿的文章感到非常後悔 , 故此我在第二天下午3時發出第一封道歉信 , 可是很多網民仍然不肯接受 , 我心中感到非常難過 、自責、驚慌 , 所以在毫不考慮下用了一個 "潛水" 的方法 ,將整個 www.xanga.com/SAYA_SHAN 刪走 。現在回想起來 , 也覺得這個方法很不妥當 , 但是現在已經挽救不到 , 所以重開了一個XANGA 來貼上道歉信 , 我不想再逃避責任 。若果還有網民不肯原諒 , 我會做好自己本份來證明自己真的知錯了 。

道歉信
各位網民 , 香港以及中國國內同胞：
我是早前胡亂發表對四川災情言論的作者。在17/5發表對四川災情的文章 , 我感到十分後悔。
在這裡 我衷心說聲 " 對 不 起 "
對於自己發表那些無情話, 真是凌辱了四川災民及祖國同胞。 我的說話真的非常過份。面對四川災情我不但沒有出任何力 , 還公開說這些過份的話，我真心感到內疚。
身為中國人應關心同胞 應團結關心災民 , 為他們出一分力 , 我現在明白即使自己只有幾十元 , 我也應該盡力幫助他們。 我真是身在福中不知福 , 四川災民連日受天災傷亡 , 而我就不單不懂關心他們 , 還寫了一大篇無知的文章。
校方 , 父母已經知道事情 , 老師父母已跟我分析了我的錯 , 我真不應說那些涼薄的話,不應如此不尊重別人 , 別人身在困境應伸出援手 , 不應無情對待 。我知道我真的錯了 , 經過今次教訓我會改過 , 以後會懂得思考 , 說話前要三思 , 最重要是 要懂得尊重和關心別人，做一個有良知的人，要懂得去愛。我願意接受一切處分 , 我不會逃避責任。
最後 , 我衷心想說 "對不起"